Шпанија

Олмо дебитираше и погоди за пресврт и победа на Барселона (Видео)

Објавено

на

27 август, 2024

Од

Dejan

Фото: https://twitter.com/FCBarcelona

Рајо Валјекано рано дојде до водство против фаворизираната Барселона, но не успеа да спречи пресврт до крајот на средбата (1:2) и прв настап за паметење за засилувањето Дани Олмо.

Барселона го започна натпреварот без неодамна регистрираниот Олмо во составот, а веќе во 9. минута имаше негатива по голот на Лопез, кој донесе голема радост за домашните фанови.

Гостите се обидуваа да стигнат до израмнување, но тоа им успеа дури во 60. минута, кога Педри упати прецизен удар и го совлада Кардењас.

Барса го продолжи притисокот, обидувајќи се да дојде до пресврт, а во тоа помогна Олмо, кој влезе во игра на почетокот на вториот дел.

Големото засилување доби одлична топка од Јамал, дојде до простор во шеснаесетникот и ја затресе мрежата на Рајо во 82. минута, со што на најдобар можен начин го заврши првиот настап во својот нов клуб.

По три кола, Барселона ќе биде единствената екипа со максимален учинок во Ла Лига.