Олмо без размислување го избрал најдобриот фудбалер со кого се соочил на теренот

Дани Олмо ќе биде големо засилување за Барселона, а тоа го докажа уште на дебито, на кое постигна гол за победа на Каталонците во дуелот со Рајо Валјекано.

По првиот настап за новиот клуб, Олмо реализирал и интервју за „Мундо Депортиво“ во кое зборувал на повеќе теми, вклучувајќи ја и одлуката да се пресели од Лајпциг во Барса.

– Мислам дека беше јасно дека сакам да играм во Барселона, кога клубот ме контактираше, немав никакви дилеми каде ќе ја продолжам кариерата.

– Трансферот беше завршен брзо, контактите продолжија по ЕП, а клучна улога имаа Флик и Деко, кои веруваа во мене од првиот ден, – рекол Олмо.

Шпанецот добил прашање и кој е најдобар фудбалер против кого играл во кариерата, а тој без многу размислување го потенцирал Лука Модриќ од ривалот Реал Мадрид.