Олимпискиот шампион во баскет беше решен со неверојатен кош: Французите останаа без злато со звукот на сирената (Видео)

Србија излезе најголемо разочарување на баскет турнирот 3×3 на Олимпиките игри во Париз, каде вчера бевме сведоци на неверојатно затворање на големото финале.

Во битката за златниот медал, домаќинот Франција го делеа секунди и еден напад од најблескавото одличје, но така не мислеше и Ворти Де Јонг кој режираше магија во завршната секунда.

Холандскиот репрезентативец погоди неверојатна „тројка“ за два поени и буквално го реши мечот со звукот на сирената, по што холандските баскетчии почнаа да го слават златото.

Домашните навивачи не го криеја разочарувањето и шокот, но и покрај тоа им дадоа поддршка на француските баскетчии кои на крајот се задоволија со сребениот медал.

Бронзата заврши на градите на Литванците, кои пак во малото финале ја победија Летонија со 21:18.

NOOOOOOOOOOON Worthy De Jong qui crucifie l’équipe de France … pic.twitter.com/rvEDkcWWGf

— Clutch 👑 (@Clutch__Zone) August 5, 2024