Олимписка атлетичарка од Уганда почина по бруталниот напад од поранешно момче

Олимписката претставничка на Уганда, атлетичарката Ребека Чептегеи им подлеглана на повредите заработени од бруталниот акт на нејзиното поранешно момче.

Олимпискиот комитет на африканската земја утринава потврди дека 33-годишната Чептегеи починала, а како последица на изгорениците заработени откако нејзиното поранешно момче ја полило со бензин и ја запалило.

Чептегеи била жртва на бруталниот напад во Кенија, каде живееше и се подготвуваше за следните спортски предизвици, а била нападната кога се вратила од црква.

Претставник на лекарскиот тим кој се борел за животот на маратонката потврдил дека дел од виталните органи не ја издржале битката и откажале, а семејството засега не објавува повеќе детали за инцидентот.

Виновникот за смртта на Чептегеи исто така завршил во болница со изгореници, но е во стабилна состојба.