Олимпијакос отпадна од игра за потписот за Миротиќ

Никола Миротиќ пред некое време беше на добар пат да заврши во поранешниот европски шампион Олимпијакос и тоа како директна замена за Александар Везенков кој се пресели во НБА лигата во Сакраменто Кингс.

Информациите говореа дека двете страни се блиску до договор, односно дека само се чека тој да ја заврши соработката со Барселона. Крилниот центар се уште разговара, преговара со Барса околу предвремениот раскин на договорот и тоа ќе се случи, но според „Еурохупс“ тој нема да заврши во таборот на „црвено-белите“ од Пиреја.

Наводно истите се откажале од Никола по ангажманот на Никола Милутинов и Најџел Вилијмас Гос и сега се отворни за други опции на пазарот.

Ова значи дека Црногорецот со шпански пасош ќе мора да се фокусира на другите понуди, а истите се од Црвена Звезда, Монако, Олимпија Милано и Панатинаикос.