Поврзете се со нас

Евролига

Олимпијакос ја намачи Барселона, Реал со подобра завршница од Монако

Објавено

на

Фото: Евролига

Барселона го победи Олимпијакос по дополнителни пет минути (79:78), а промашувањето на искусниот Слукас во последната секунда спречи и голем шок од страна на грчкиот тим во Евролигата.

Гостите од Пиреја започнаа подобро, го добија првиот период со 10:17, но Барса не ја загуби контролата, а во третиот период стигна и до девет поени предност.

Олимпијакос не планираше да се предаде и избори продолжение со резултат 67:67, а во дополнителните пет минути видовме нова драматична завршница, во која Слукас промаши за победа на гостинскиот тим.

Миротиќ со 22 и Хигинс со 11 поени беа најефикасни кај Барса, а за Олимпијакос Слукас постигна 14 поени.

Реал Мадрид го победи Монако со 94:86 во уште еден натпревар каде гостите се покажаа како тврд орев за противникот, а домашниот состав реализаторски беше предводен од Јабусел кој постигна 18 поени.

На првиот евролигашки натпревар одигран денеска, Црвена Звезда го победи Жалгирис со 73:61.

Реклама
Реклама
Реклама

Популарни