Ола го откри терминот за реваншот со Јувентус: Лион и ПСЖ ги чека масакр

УЕФА веќе најави дека завршницата на Лигата на шампионите ќе продолжи во август, а претседателот на Лион денеска открил дека е веќе познато кога неговата екипа ќе го игра реваншот против Јувентус.

Жан-Мишел Ола изјавил за медиумите дека УЕФА веќе го потврдила 7 август како ден на кој ќе се одигра реваншот, а истиот ќе биде на програмата во Торино, но без присуство на публика.

Олас вели дека терминот е официјален, а на реваншот неговиот тим ќе ја брани предноста од 1:0, која ја оствари по првата средба во Лион.

Главен проблем за францускиот тим е одлуката за крај на домашното првенство, за која Лион веќе најави судски процес.

– Ако нашата жалба за прекинување на првенството биде одбиена, тогаш Лион и ПСЖ ќе бидат масакрирани од тимовите кои ќе бидат со целосна физичка подготвеност, – изјавил Ола.