Оклахома го неутрализираше Дончиќ и елиминираше Далас од НБА Купот, Милвоки втора година по ред ќе игра во Лас Вегас (ВИДЕО)

Екипите на Оклахома Сити Тандер и Милвоки Бакс се првите патници во полуфиналето на НБА Купот или поточно на завршниот турнир во Лас Вегас.

Тандер го суреди Далас Маверикс со 118:104 и сега мирно ќе го чека ривалот за наредната фаза, а тоа е подобриот од пресметката меѓу Голден Стејт Вориорс и Хјустон Рокетс. ОКЦ постигна над 30 поени во првата и третата четвртина, периоди во кои ја направи клучната предност во соочувањето со Маверикс.

Најдобриот домашен играч Гилџес-Александер блесна со 39 поени, 8 скока, 5 асистенции и 3 украдени топка, Вилијамс пак додде 18 поени со 7 скока и 4 асистенции. Оклахома одигра одлична одбрана врз Дончиќ кој дојде до дабл-дабл, но со скромни за него 16 поени (11 скока).

Милвоки Бакс го доби ослабениот Орландо Меџик со 114:109 и втора година обезбеди билет за Лас Вегас. Орландо не можеше да смета на доста важни играчи Банкеро, Вагнер, Ајзак и Херис, ама во ниту еден момент не се предаде, беше конкурентен, борбен до самиот крај.

Адетокумбо беше во прв план со 37 кошеви и 7 скока, Лилард и Портис беа дополнителна поддршка со искомбинирани 50 поени.Петмина кај Меџик беше двоцифрени, се истакна Сагс со 32 поени, 9 скока и 4 украдени топки.