Лига Европа
Окампос во самиот финиш ја одведе Севилја во полуфиналето, Шахтјор го декласираше Базел (Видео)
По вчерашните први два четвртфинални дуели во Лига Европа, вечерва ги дознавме дуелите кои ќе ги гледаме во полуфиналето на второто по ранг натпреварување на стариот континент, откако Севилја и Шахтјор ја завршија својата работа во регуларниот дел.
Шпанскиот тим имаше далеку потешка задача, бидејќи наиде на исклучително силен отпор од страна на составот кој го предводи Нуно Еспирито Санто, кој искрено има и за што да жали оваа вечер.
„Волците“ од Премиер лигата пропуштија да дојдат до почетно водство во 13-та минута, кога Хименез го упропасти неверојатниот спринт на Адама Траоре и не го реализираше пеналот кој го избори неговиот соиграч. По овој момент, Севилја беше далеку подобар противник во секој поглед, а завршната иницијатива пред истекот на 90-те минути вроди со плод.
По еден прекин, Окампос беше највисок и го испрати центаршутот на Евер Банега, па со погодокот во 87-та минута ги фрли во очај упорните играчи на Вулверхемптон кои на крајот мораа да се помират со поразот и елиминацијата во четвртфиналето.
На вториот меч беше далеку поедносмерно, бидејќи Шахтјор му одржа фудбалска лекција на Базел, славејќи со уверливи 4:1. Мораеш, Алан, Патрик и Додо беа стрелци на четирите гола, додека почесниот гол за Швајцарците го постигна Волфсвинкел во 92-та минута.
Шахтјор во полуфиналето на Лига Европа ќе ги одмери силите со Интер, додека Севилја за проитивник ќе го има Манчестер Јунајтед.
-
Лига на шампионипред 23 часа
Пенал рулетот за „кралевите“: Реал го детронизираше европскиот шампион Сити (Видео)
-
Лига на шампионипред 10 часа
Родри: Имаше само еден тим на теренот, но…
-
Лига на шампионипред 15 часа
Анчелоти откри каква порака добил од Пеп по крајот на пенал рулетот: Сите не прогласија за мртви, но…..
-
Лига на шампионипред 9 часа
Провокаторот Мбапе предизвикал тепачка во тунелот на „Монжуик“ (ВИДЕО)
-
Лига на шампионипред 15 часа
Гвардиола го цитираше Кројф по болната елиминација од Реал: Среќата не постои во фудбалот!
-
Лига на шампионипред 23 часа
Тухел оствари историја со победата над Арсенал, Нојер е нов рекордер (Фото)
-
Лига на шампионипред 14 часа
Херојот на Реал: Знаевме дека еден играч ќе ризикува…(ВИДЕО)
-
Лига на шампионипред 24 часа
Кимих му пресуди на Арсенал, Германија ќе има два претставници во полуфиналето (Видео)