Охрид се закани во првото полувреме, па целосно се распадна во дуелот со МЗТ

МЗТ Скопје влезе како апсолутен фаворит во дуелот со Охрид и покрај тоа што гостите одмораа играчи како Војдан Стојановски и Бојан Крстевски, па иако домашниот тим покажа заби и се закани во првото полувреме, сепак немаше сили да се носи во вториот дел.

Охриѓани се понадеваа на сезнација откако водеа и со плус осум во втората четвртина, но откако го загубија водствот на крајот од полувремето (47:48), во продолжение гледавме доминација на „штрковите“.

МЗТ заигра многу поцврсто во одбрана и му дозволи на Охрид да постигне само 9 поени во третиот период, а тоа беше почеток на крајот за домашниот тим кој на крајот претрпе и убедлив пораз.

Фаворитот не остави ништо на случајноста и продолжи да доминира во последната четвртина, па на крајот славеше победа со резултат 73:98.

Расел со 25 поени беше најдобро име на паркетот и највлијателен поединец кај победничкиот тим, Робев уфрли 21 поен, а во домашниот табор се истакнаа Ибраими и Бернард со 17 и 16 поени.