Поврзете се со нас

Светски првенства

Огромно засилување за Хрватите: Червар направи важна измена пред клучните пресметки на мундијалот

Објавено

на

blank

Хрватска со три акумулирани бода ќе ја започне главната рунда на мундијалот во Египет, а оваа фаза од турнирот ќе ја стартува и со огромно засилување во тимот кој го предводи Лино Червар.

Искусниот стручњак кој е лидер од клупата на „каубоите“ денеска направи клучна промена пред одлучувачките натпревари на турнирот во Каиро, или поточно, во ростерот на играчи се враќа Игор Карачиќ кој лечеше повреда повеќе од еден месец.

Поранешниот ракометар на Вардар поради проблеми со препоните ги пропушти подготовките на Хрватска и не настапи во воведната фаза од Светското првенство, но сега го зазема местото на Јанко Кевиќ.

– Во пресрет на утрешниот натпревар против Бахреин, во составот на Хрватска влегува Игор Карачиќ, а од составот излегува Јанко Кевиќ. Исто така, во репрезентацијата вечерва ќе се приклучи и Матеј Хрстиќ кој беше на поширокиот список за СП, – гласи објавата на ракометниот сојуз на Хрватска.

По победата над Катар, ова дефинитивно е многу добра вест за Червар и хрватската селекција, особено ако се знае дека Лука Циндриќ заработи повреда поради која нема да настапи до крајот на мундијалот.

Реклама
Реклама
Реклама

Популарни