Официјално: Виеира првпат во кариерата ќе биде тренер во Серија А (Фото)

Патрик Виеира многу брзо се префрли од играчките во тренерските води, па иако првично работеше како извршен директор за развој во младинскат школа на Манчесер Сити, Французинот потоа се префрли и во менаџерскиот занает.

Легендарниот играч за врска во последните осум години беше тренер на Њујорк Сити, Ница, Кристал Палас и Стразбур, а сега за првпат ќе работи и во Италија.

14 години по неговата играчка авантура во Интер, Виеира се враќа во Италија за прво негово тренерско искуство на Апенините, и тоа како тренер на Џенова.

Клубот од Мараси ова претпладне информираше дека Французинот и официјално е наследник на Алберто Џилардино, па по неговото назначување, јавноста експресно постави едно прашање.

Во првите денови ќе биде интересно да се види дали Виеира ќе ги закопа „воените секири“ со Марио Балотели, играч со кој се раздели на доста лош начин во Ница, а со кој сега одново ќе соработува откако „Супер Марио“ пристигна во Џенова на крајот на минатиот месец.

Il Genoa CFC comunica di aver affidato la conduzione tecnica della prima squadra a Patrick Vieira.

Il nuovo mister dirigerà nel pomeriggio il primo allenamento dopo la formalizzazione del contratto nella sede di Villa Rostan.

Dopo un percorso professionale, tra il 2011 e il… pic.twitter.com/jmp8m6guxr

— Genoa CFC (@GenoaCFC) November 20, 2024