Германија

Официјално: Симонс ги реши сите дилеми за неговата иднина (Фото)

Објавено

на

5 август, 2024

Од

Тони Андонов

Фото: https://twitter.com/RBLeipzig

Чави Симонс стана атрактивен за многу големи европски клубови и во еден момент се чинеше дека е пред трансфер во Баерн Минхен, но на крајот самиот фудбалер процени дека е најдобро да се врати во клубот во кој доживеа многу добри 9 месеци.

Холандскиот репрезентативец беше одличен и на Европското првенство и беше еден од лидерите во тимот на Роналд Куман, а 21-годишниот офанзивец сега официјално реши да продолжи со растот како играч на РБ Лајпциг.

По успешната едногодишна позајмица, ПСЖ и Лајпциг денеска си подадоа рака за нов заем, па така Симонс ќе го гледаме во Бундеслигата и во новата сезона.

Станува збор за едногодишна позајмица, а во новата сезона Симонс ќе го носи дресот со број „10“.

Поранешниот талент на Барселона е вториот важен играч кој ќе го гледаме во Лајпциг во сезоната која претстои, бидејќи претходно клубот го врза со договор и Бенјамин Шешко.

Xavi bleibt bei RB Leipzig! #RBL leiht Offensivspieler @xavisimons für ein weiteres Jahr von @PSG_inside aus: https://t.co/iUA5hJmUhs pic.twitter.com/W7xh9QNW9C

— RB Leipzig (@RBLeipzig) August 5, 2024