Официјално: Погба суспендиран на неодредено време од страна на италијанската организација

Италијанската агенција „АНСА“ ова попладне пренесе ексклузивни информации за Пол Погба, кои дефинитивно содржеа шокантен материјал и открија дека Французинот имал позитивен допинг тест.

По земен примерок од крвта, Погба имал зголемено количество на тестостерон и паднал на првиот допинг тест направен по мечот со Удинезе во првото коло, па во исчекување на вториот кој треба да му потврди долгорочна суспензија од страна на ФИФА, сега официјално реагираше и анти-допинг телото во Италија.

Погба се уште има втора шанса и може да се спаси доколку вториот тест биде негативен, но додека да се открие резултатот од истиот, НАДО Италија привремено го суспендираше Французинот.

Италијанската организација за анти-допинг со официјално соопштение информира дека Погба е предмет на истарага и ќе подлегне на ново испитување, по што ќе биде донесена конечна одлука за неговата иднина.

Ексклузивата од Италија донесе голем потрес и во фудбалска Франција, од каде пристигнуваат информации дека Пол може да заработи четиригодишна суспензија, а со тоа да стави и крај на кариерата.

BREAKING: Juventus midfielder Paul Pogba has been provisionally suspended for an anti-doping offence. pic.twitter.com/5Lno8rVokf

— Sky Sports News (@SkySportsNews) September 11, 2023