Официјално: Јунајтед го продаде Ван Бисака за 15 милиони фунти во друг премиерлигашки клуб (Фото)

Манчестер Јунајтед во наредните неколку дена ќе ги потврди ангажманите на Нусаир Мазарау и Матијс Де Лихт, но пред да дојде до тоа, ова попладне отвори простор за пристигнување на нови играчи.

Великанот од „Олд Трафорд“ денеска и официјално се збогуваше со Арон Ван Бисака после петгодишна взаемна соработка, која беше исполнета со неколку добри, но и лоши периоди.

Ван Бисака во 2019-та година пристигна какоо огромно засилување од Кристал Палас, но десниот бек никогаш не ги оправда очекувањата и сега официјално е продаден за 15 милиони фунти.

Вест Хем е клубот кој му обезбеди седумгодишен престој на Ван Бисака во Лондон, па според тоа, може да се заклучи дека „чеканите“ имаат навистина големо мислење за дефанзивецот.

– Воопшто не се двоумев да ја прифатам понудата на Вест Хем. Возбуден сум и среќен што сум тука. Неверојатно е чувството да се вратите воо Лондон, возбуден сум за тоа што претстои. Јас сум роден тука и знам какви предности и какви мани има Лондон. Благодарен сум за топлото добредојде, ќе дадам се за овој клуб, – изјави Ван Бисака.

West Ham United is delighted to announce the signing of Aaron Wan-Bissaka ✍️

The right-back, 26, joins the Hammers from Manchester United on a seven-year contract for an undisclosed fee.

— West Ham United (@WestHam) August 13, 2024