Официјално: Фабрегас го доби посакуваното засилување од Реал (Фото)

Комо утре му гостува на Калјари и ќе го одигра својот натпревар од второто коло во Серија А, но пред да дојде до тоа, клубот го потврди второто засилување од Шпанија во краток временски интервал.

По ангажманот на искусниот Серхи Роберто, Сеск Фабрегас сега добива свежа крв во својот состав, откако Комо успеа да му го обезбеди потписот на Нико Паз.

Талентираниот играч на Реал Мадрид пристигна во „кралскиот клуб“ пред осум години, па откако ги мина младинските категории и доби симболична шанса во првиот тим, сега ќе се испроба во тим во кој сигурно ќе ја добие потребната минутажа.

Реал вечерва официјално потврди дека Нико е продаден на Комо во операција која изнесува 6 милиони евра, со тоа што „кралевите“ можат да вклучат опција за враќање на фудбалерот, или да добијат 50 проценти од парите од неговиот нареден трансфер.

Нико Паз има само 19 години и ќе биде желен за докажување во италијанската елита, нешто што сигурно го натера Фабрегас да го пикира како идеално засилување за својот тим.

Como 1907 has secured the signing of rising star Nico Paz from La Liga Champions, Real Madrid. The 2004 born attacking midfielder and Argentinian youth international will join the club on a four year deal. pic.twitter.com/LkcF69RA37

— Como1907 (@Como_1907) August 25, 2024