Официјално: Династијата „Флорентино Перез“ доби седмо продолжение во Реал Мадрид (Фото)

Династијата наречена „Флорентино Перез“ добива свое седмо продолжение во Реал Мадрид, откако славниот претседател од денеска и официјално го отпочна својот седми мандат како прв човек на клубот.

Како единствен кандидат на денешното изборно Собрание во Реал Мадрид, Флорентино на рутински начин доби акламација како претседател на „кралскиот клуб“, што во превод значи дека ќе претседава со најуспешниот клуб во Европа најмалку до 2029-та година.

Перез кој во март ќе полни 78 години се претвора како претседател кој најдолго го водел Реал Мадрид во клупската историја, а за време на неговиот мандат кој се одвиваше во две етапи, „кралевите“ освоија вкупно 65 титули.

37 доаѓаат од фудбалските натпреварувања во Шпанија, Европа и светот, а 28 се од кошаркарската секција каде Реал Мадрид исто така доминира на стариот континент.

Првата етапа на Перез во клубот траеше од 2000-та до 2006-та година, потоа направи три години пауза, а потоа клубот повторно го презема во 2009-та година и се уште раководи со него до ден денеска, нешто што ќе го прави и во иднина до 2029-та година.

Acta de reunión de la Junta Electoral del Real Madrid.#RealMadrid

— Real Madrid C.F. (@realmadrid) January 19, 2025