Поврзете се со нас

Лига на шампиони

Официјални стартни постави: Гвардиола го остави на клупа играчот кој го излуде Винисиус, една измена направи и Инѕаги (Фото)

Објавено

на

Foto:twitter.com/ChampionsLeague

На час и половина пред големото финале во Лигата на шампионите, двајцата тренери ги отворија картите и ги избраа 11-те на кои им даваат најголема доверба, односно ги избраа „воините“ кои ќе водат битка во Истанбул од првата минута.

Завршницата на најелитното натпреварување секогаш носи посебна анализа за педантните стручњаци, а Пеп Гвардиола и Симоне Инѕаги се одлучија да направат по една измена за големото финале.

Гвардиола го остава на клупата за резерви Кајл Вокер кој беше најдобар дефанзивец во полуфиналето со Реал Мадрид и кој го излуде Винисиус, а не негово место во стартниот тим влегува Аке.

Вокер претходно не беше дел од стартниот тим на Пеп, но многумина сметаа дека си го осигура своето место во финалето со последните настапи. Така не мислеше и Гвардиола кој во одбраната ги постави Аке, Аканџи, Диас и Стоунс.

На голот е стандардниот Едерсон, во средината се Родриго, Гундоган и Де Брујне, а во нападот Силва, Грилиш и Халанд.

Кај Интер, единствена замена е отсуството на Хенрик Мхитаријан, кој поради повредата која ја имаше очигледно не е доволно здрав за да стартува, па на негово место влегува Брозовиќ.

Стартни постави:

Манчестер Сити – Едерсон, Аканџи, Диас, Аке, Стоунс, Родриго, Гундоган, Де Брујне, Силва, Грилиш и Халанд.

Интер – Онана, Дармијан, Ачерби, Бастони, Дамфрис, Барела, Брозовиќ, Чалханоглу, Димарко, Џеко и Лаутаро.

Реклама
Реклама
Реклама

Популарни