Офанзивецот во топ форма: Етеми стрелец и асистент за Истанбулспор (ВИДЕО)

Валон Етеми продолжува со своите одлични настапи во дресот на Истанбулспор, тим на кој денеска му обезбеди победа во дуелот со Умранијеспор.

Домаќините промашија пенал во 12 минута преку Мршиќ по што на сцена стапи нашиот репрезентативец кој во 30 минута погоди за водство од 1-0, а пак длабоко во судиското продолжение асистираше до Кабасакал за 2-0 што се покажа и како конечен резултат на овој натпревар.

Офанзивецот со ова дојде до бројка од 7 гола и 3 асистенции во првата турска лига што е фантастичен учинок за Етеми и тоа во екипа која се бори за опстанок во елитната конкуренција.

Истанбулспор со 15 бода е на 18 место на табелата, во следното коло Валон ќе игра против Енис Барди поточно за ривал ќе го има Трабзонспор.