Одредени бараж финалињата за Прва лига: Натпреварите ќе се играат во Прилеп и Штип

Точно напладне во просториите на Фудаблската Федерација на Македонија се одржа последната ждрепка за оваа натпреварувачка сезона, односно беа одредени бараж дуелите за влез во Првата Македонска Фудбалска лига.

Тимовите на Тиквеш и Скопје ги одбегнаа местата кои директно водат во Втората лига, но сега ќе мора да го бранат својот прволигашки статус со бараж дуели.

Извлекувањето посака Тиквеш да игра против Воска Спорт, тим кој заврши втор во Втора лига – Запад, додека Скопје ќе ги одмери силите со Беласица  која беше втора во Втора лига – Исток.

Правилата велат дека ќе се игра само еден бараж натпревар, што значи дека ќе се игра на неутрален терен и мечот ќе има значење како финале за сите четири тима.

Тиквеш и Воска Спорт ќе се пресметаат во Прилеп на 22-ри мај, додека истиот ден во Штип ќе играат и Скопје и Беласица.