Одредени бараж двојките за дополнување на Втората лига

По Воска Спорт и Гостивар, Вардар е третиот тим кој се пласираше во Првата македонска фудбалска лига, а тоа го направи преку баражот кој се играше минатиот викенд во Кавадарци.

Најтрофејниот македонски фудбалски колектив го надигра Скопје и со убедливи 3:0 се врати во елитата, па откако стана познат изгледот на Првата лига за следната сезона, сега на ред е и Втората.

Претстојниов викенд ќе се играат бараж средбите за Втората македонската фудаблска лига, односно разигрувањето во кое ќе учествуваат шест екипи.

Ждрепката која се одржа денеска одлучи Тетекс да се соочи со Осогово, Башкими ќе игра против Влазрими, а Вардар Неготино ќе ги одмери силите со Новаци.

Сите натпревари ќе се одиграат в недела во 17:00 часот на три различни терени низ Македонија, со тоа што ФФМ дополнително треба да одреди кои ќе бидат стадионите домаќини.