Одработен тренингот на интересниот „Викторија стадиум“ во Гибралтар (Фото)

Репрезентацијата на Македонија под палката на селекторот Благоја Милевски го одработи единствениот тренинг пред утрешниот натпревар со Гибралтар.

На стадионот кој е навистина интересен „Викторија стадиум“, Милевски ги построи своите избраници и им ја долови тактиката со која утре ќе се спротивставиме на далеку послабиот противник.

Јасно е дека Македонија е голем фаворит на оваа средба затоа што се соочува со репрезентација која е меѓу најслабите на Стариот Континент, па се освен победа ќе се смета за огромна сензација.

Пред четири години имавме можност да гостуваме на оваа репрезентација, и тогаш славевме само со 2:0 во натпревар кој треба да замине во заборав.

Инаку „Викторија Стадиум“ располага со мал капацитет на седишта, а интересно е тоа што во позадината на стадионот може да се забележат карпи, па глетката секако е несекојдневна за една професионална фудбалска репрезентација.