Одложеното дерби ни донесе малер на денот: Ја потрошил цела заштеда за да го гледа последното Мерсисајд дерби на „Гудисон парк“ (Фото)

Големото Мерсисајд дерби меѓу Евертон и Ливерпул кое беше закажано за денеска беше одложена поради пустошот кој го остава зад себе бурата „Дара“, а тоа донесе огромно незадоволство кај фановите, но најмногу кај еден од Австралија.

Австралиски фан на Евертон по име Мекензи Кинсела допатувал од Сиднеј во Ливерпул за да го гледа последното градско дерби на „Гудисон парк“, но невремето му ги расипа плановите и го направи малер на денот во Премиер лигата.

Младото 15-годишно момче ја потрошило цела заштеда за да пристигне на Мерсисајд дербито кое беше последно на „Гудисон парк“ во историјата (Евертон се сели на друг стадион во 2025-та година), меѓутоа природата имаше други планови и направи инвестираните 1.500 фунти да бидат залудни.

Наместо да биде на трибините, Мекензи се претвори во вирален хит поради приказната која ја пренесоа сите англиски таблоиди, па според нивни информации, Евертон како клуб ќе се погрижи да го утеши својот фан со некоја организирана средба во наредните неколку дена.

Со одложеното дерби требаше да отпочне саботниот натпреварувачки ден во Премиер лигата, па денеска на програмата ќе има само четири натпревари.

15-year-old Aussie Everton fan Mackenzie Kinsella’s £1,500 dream to see the last Goodison Merseyside derby shattered by Storm Darragh. Safety first, but heartbreak for fans worldwide. 🌪️💔 #MerseysideDerby #Everton #EVELIV#PremierLeague #StormDarragh pic.twitter.com/wYiLuLBgc8

— Sports Royal (@sportsroyal_gb) December 7, 2024