Одличните игри си го сторија своето, Миовски посакуван од учесникот во Лигата на шампионите

Македонскиот младински репрезентативец, Бојан Миовски одлично се снајде во новата авантура во дресот на тимот од Будмипешта,МТК.

Миовски ова лето од Ренова направи трансфер во унгарскиот шампионат и веднаш се наметна како прв избор за напаѓачката позиција на тимот на МТК.

Во досегашниот дел од шампионатот со шест погодоци, Миовски е прв стрелец на клубот и трет стрелец во лигата, а има уште два гола во куп средбите за МТК со што неговата цифра на постигнати голови сега е осум.

Одличните партии во првиот дел од сезоната можат да му донесат одличен трансфер уште во јануарскиот преоден рок.

Имено, за Миовски се заинтересира шампионот на Унгарија и учесник во Лигата на шампионите оваа сезона, Ференцварош.

Ференцварош кој се уште има можност да обезбеди европска пролет, доколку извади поволен резултат на гостувањето во Украина кај Динамо Киев, ќе се обиде да го донесе Миовски во јануарскиот преоден рок.