Одличната Ѓорческа со нова победа до полуфинале во Куршумлијска Бања

Најквалитетната македонска тенисерка, Лина Ѓорческа ја продолжи одличната серија на настапи во Куршумлијска Бања, турнир на кој по денешната победа над Далила Јакуповиќ обезбеди место во полуфиналето.

Лина во претходните две рунди оствари две победи од 2-0 од кои едната беше над првата носителка Пана Удварди, резултат со кој пак попладнево настрада и Јакуповиќ.

На Ѓорческа и беа потребни 1 час и 20 минути за да се справи со Далила со 6:4 и 6:3. Ова беше дуел во кој двете тенисерки го губеа својот сервис, па така реализираше 16 од 20 брејк топки, противничката пак реализираше 7 од 11.

За место во финалето за фјучерсот што се игра на земјена подлога и за 60.000 долари, тетовката ќе мора да ја совлада Лола Радивојевиќ која денеска без борба го доби соочувањето со Нина Стојановиќ.

Лина и Лола веќе еднаш се соочија во оваа 2024 година, Србинката славеше во 1/16 финалето во Виена со 2-1 во сетови.