Одличен кам-бек во Хрватска: Несторовски постигна деби гол за победа на Славен Белупо

Илија Несторовски пред две недели се врати во хрватскиот фудбал и како слободен агент пристигна во Славен Белупо, клуб за кој денеска го постигна својот прв гол.

Македонскиот напаѓач се погрижил за деби од соништата во новата средина, бидејќи неговиот погодок денеска бил клучен за триумф во раната фаза на хрватскиот Куп.

Славен Белупо остварил победа со резултат 0:1 на гостувањето кај Кустошија, а човек на одлука бил Нестор-гол во раната фаза на второто полувреме.

Со ова, Несторовски на најдобар можен начин направи кам-бек во хрватскиот фудбал, средина во која блескаше од 2013-та до 2016-та година.

Иле своевремено беше најдобар голгетер во најсилната фудбалска лига во Хрватска, а сега уште на првиот меч покажа дека ќе биде огромно засилување за тимот од Копривница.