Одговор од Португалецот: Леао го „поздрави“ Ди Канио со една фотографија (ФОТО)

Рафаел Леао постигна гол со кој Милан избегна пораз на гостувањето во Рим кај Лацио, но тој негов погодок падна во сенка на неговото и однесувањето на дефанзивецот Тео Ернандес за време на одморот за освежување.

Португалецот и Французинот добија многу критики од јавноста, а меѓу оние кои беа најбрутални, најдиректни беше Паоло Ди Канио кој посочи како двајцата би завршиле ако играле во негово време.

Ди Канио за Леао и Ернандес: Во мое време ќе беа залепени за ѕид и удрени со тупаници

Ова дефинитивно не му се допадна на Леао кој реши да одговори на социјалните мрежи и тоа без зборови, само со фотографија на која Ди Канио изведува фашистички поздрав.

Тој со ова како да сака да порача дека Ди Канио со неговото минато, одредени потези нема право да коментира, „соли памет“ за одредени работи и ситуации.

…. pic.twitter.com/MFr6w77NNk

— Rafael Leão (@RafaeLeao7) September 2, 2024