Поврзете се со нас

Англија

Одегард пред дербито со Сити: Имаме дополнителна брзина што треба да ја искористиме

Објавено

на

foto: x.com/Arsenal

Денешната програма во англиската Премиер лига ќе биде затворена со дербито во Лондон меѓу Арсенал и Манчестер Сити, двете екипи кои најдобри во претходниве неколку сезони.

Се создаде големо ривалство, има енергија, набој и тоа се виде на првиот сезонски дуел во кој „граѓаните“ со гол во 98 избегнаа пораз на „Итихад“. Во фокусот тука беше Ерлинг Халанд кој имаше неспортска реакција кон Габриел по погодокот во завршницата, тука беа и неговите коментари, препирки со гостинскиот тренер Микел Артета, па ќе биде интересно да се види како ќе биде дочекан од публиката на „Емирејтс“.

-Тоа се нормални работи кога играте големи натпревари и кога има огромно ривалство. Се натпреварувате и го сакате најдоброто за вашиот тим и неизбежно е понекогаш да се појави тензија. Но, ние главно се познаваме и таквите работи остануваат на теренот. Во такви моменти сте многу емотивни и поради адреналинот може да дојде до расправија кога ќе го напуштите теренот. Сепак, не му придавам големо значење. Халанд е мој добар пријател и често се слушаме и со други соиграчи од репрезентацијата, но обично не зборуваме за фудбал, -рече капитенот на „топпчиите“ Мартин Одегард и додаде:

-Ние сме во добра позиција, но чувствувам дека имаме друга, дополнителна брзина. Се надевам дека, како и минатата сезона, ќе одиграме многу добро во завршницата на натпреварувачката година. Колку сме поблиску до трофејот, толку сме погладни и не сакаме тој повторно да ни се лизне, -порача Норвежанецот.

Дербито е закажано за терминот од 17:30 часот.

Advertisement
Advertisement

Италија

Advertisement

Популарни