Одегард дефинитивно го пропушта дербито со Тотенхем и оди на принудна пауза

Мартин Одегард заработи незгодна повреда на зглобот на дуелот меѓу Норвешка и Австрија од Лигата на нации, а денеска стана јасно колку отприлика ќе паузира фудбалерот на Арсенал.

Норвешкиот репрезентативец сигурно ќе го пропушти неделното градско дерби со Тотенхем, а нема да биде во комбинација за настап најмалку три недели, велат англиските медиуми.

Најновата информација е прогноза на првиот човек на лекарскиот тим на норвешката репрезентација, а позитивниот дел е што Одегард избегнал посериозна повреда на зглобот.

Трите недели пауза се неизбежни, но враќањето на Одегард ќе зависи и од реакцијата на неговиот зглоб по почетокот на полесните тренинзи, а засега е јасно дека тој нема да биде во комбинација и за натпреварите со Аталанта, Манчестер Сити и Лестер.

Менаџерот Микел Артета на лондонското дерби нема да смета и на Рајс и Мерино, а најверојатно и на Калафиори.