Одбраната на сезоната ја видовме уште во првото коло во ЛШ: Раја направи чудо во Бергамо (Видео)

Аталанта и Арсенал очекувано понудија офанзивен и допадлив фудбал на натпреварот во Бергамо, а вистинско чудо е како не видовме гол на овој натпревар.

Главен виновник за ваквото сценарио сепак е шпанскиот чувар на мрежата Давид Раја, кој во период од неколку недели успеа да режира слична одбрана, со тоа што оваа е главен кандидат за интервенција на сезоната во Лигата на шампиони.

Иако станува збор само за прво коло во најелитното натпреварување, флексибилноста и експлозивноста која ја демонстрираше Раја е навистина зачудувачка, па во неверица паднаа и најпознатите експерти кои во минатото беа дел од професионалните натпревари.

Раја најпрво му го одбрани пеналот на Ретеги, но стана навреме и се погрижи за луда двојна одбрана во период од неколку секунди.

Шпанецот спречи чист гол со херојска интервенција во вториот обид на домаќините, а неговата пожртвувана реакција веќе многумина ја прогласуваат за одбрана на сезоната во Лигата на шампиони.