Одбраната на Јувентус честеше, Санчез му го донесе Суперкупот на Интер (Видео)

Интер ја искористи големата грешка на одбраната на Јувентус во последните моменти од продолжението и славеше со 2:1 во италијанскиот Суперкуп.

Првиот трофеј на Симоне Инѕаги со Интер дојде по драматичниот финиш, во кој Алексис Санчез го постигна голот за 2:1 во 121. минута.

Лошата интервенција на Алекс Сандро им овозможи на домаќините да стигнат до голема шанса, а Чилеанецот ја претвори во гол за трофеј, односно освојување на италијанскиот Суперкуп.

Претходно, Јувентус поведе со голот на МекКени, додека Мартинез израмни од пенал, а тој резултат 1:1 остана до крајот на регуларното време, па мораше да се игра продолжение.

Интер си ја обезбеди победата без пенали и стигна до посакуваниот трофеј на својот стадион во Милано.