Одбра еден од 821: Меси откри кој гол ќе го памети до крајот на животот (ВИДЕО)

Лионел Меси освои уште едно големо признание во својата кариера, односно по осми пат во неговата кариера ја „грабна“ „Златната топка“.

Со ова беше крунисана уште една одлична година за него, година во која го исполни сонот, стана светски шампион со Аргентина по што реши да влезе во помирни води и потпиша за Интер Мајами.

Откако беше прогласен за победник на свечената церемонија во Париз, Меси одработи неколку интервјуа, имаше соочување со медиумите, а при едно од нив доби шанса да откри кој е негов омилен гол во кариерата во која досега има постигнато преку 800 погодоци (821).

Тој ја избра мајсторијата од 2011 година од пресметката со Реал Мадрид во Лигата на шампионите.

-Секогаш велам дека посебни се головите кои се важни, дадов голови во финалето на ЛШ, финалето на СП. Не знам, гол што секогаш го паметам и ми се допаѓа поради голот и поради се што значи-тоа е против Реал Мадрид во полуфиналето на ЛШ каде победивме 2-0 на „Сантијаго Бернабеу“, -истакна Лео.