Одбојкарките ќе играат во Сребрената Европска лига, Македонија организатор на првиот турнир

Женската сениорска репрезентација на Македонија одново ќе биде дел од ЦЕВ Сребрената Европска лига.

Низ три викенди ќе се играат по три турнири, а секоја репрезентација ќе биде домаќин на по еден турнир.

Нашите одбојкарки ќе биде домаќини на првиот турнир од 30 мај до 1 јуни кога ќе се соочиме со Луксембург и Швајцарија, потоа одиме на Фарски Острови каде освен со нив ќе играме со Австрија (6-8 јуни) за на крајот ги одмериме силите со Израел и Грузија на 13 и 13 јуни.

По одигрувањето на натпреварите ќе биде формирана заедничка табела на која првите четири најдобро пласирани селекции ќе изборат учество на финалниот турнир, кој ќе се одржи од 27 до 29 јуни. Промена може да има само доколку репрезентацијата домаќин на завршниот турнир не е меѓу најдобрите четири екипи на табелата.