Одбојкарите со пораз од домаќинот го започнаа ЕП

Најдобрата машка македонска одбојкарска репрезентација загуби од Финска со 3-1 во првиот натпревар на 32. Европско првенство.

„Црвено-црните“ одиграа меч во кој покажаа доста слабости, немаа континуитет во играта и на крајот мораа да се задоволат со само еден освоен сет.

Во првиот сет се боревме, ама тоа не беше доволно и загубивме со 25-20. Вториот мина во доминација на домаќнот со 25-15 за да во третиот се покажаме во најдобро издание и по многу надмудрувања дојдовме до намалување на водството на противникот на 2-1 (26-24).

Водени од ова бевме добри во продолжението, поточно имавме квалитетни минути во кои ги надигравме Финците, но и обратно. Решаваа нијанси кои беа во полза на домаќинот за конечни 25-22 и крај на натпреварот.

Ѓоргиев со 19 и Љафтов со 18 поени беше наши најдобри поединци.

Втората средба за „спартанците“ е на 3 септември против селекцијата на Холандија.