Одбојкарите ги добија ривалите за Златната Европска лига

Машката одбојкарска репрезентација на Македонија ги доби ривалите за новото издание на Златната Европска лига во 2025 година.

Трета годинина во низа ќе бидеме дел од силното континентално натпреварување и ќе одиграме шест квалитетни натпревари на тру турнири. Прво од 6 до 8 јули ќе се соочиме со Финска и Словачка која е домаќин на овој  настан, потоа од  13 до 15 јуни во Летонија ќе се соочиме со Летонците и Грците, а пак од 20 до 22 јуни на свој терен ќе ги одмериме силите со Израел и Црна Гора.

По одигрувањето на натпреварите ќе биде формирана заедничка табела на која првите четири пласирани селекции ќе изборат учество на финалниот турнир кој ќе се одржи од 4 до 6 јули. Промена може да има само доколку репрезентацијата домаќин на завршниот турнир не е меѓу најдобрите четири екипи на табелата.