Македонија
Од Вардар му одговорија на Грнчаров: Ти од клубот зема 421.000 евра, сега продолжи да „ровариш“…
Во текот на вчерашниот ден поранешниот капитен на Вардар, Бобан Грнчаров го обвини Сергеј Самсоненко дека е главен виновник за тоа што сега му се случува на клубот и е во таква неизвесна ситуација со долг од повеќе од два милиони евра.
Грнчаров: Само еден човек е виновен за ова што му се случува на Вардар (ФОТО)
Денеска Администрација на ФК Вардар му одговори на популарниот Грне, па во целосто ви ја пренесуваме нивната реакција.
Почитуван г-дин Бобан Грнчаров
Вие како фудбалер бевте дел од Вардар во период од 4 години. Вашата определба да бидете професионален спортист веруваме дека Ве отргнала од намерата да се едуцирате при што покажувате тотална неукост и познавање за да коментирате теми поврзани со економија и финансиски менаџмент, раководењето на ФК Вардар или било кој друг спортски колектив. Во контекст на горенаведеното сте неинформирани и пласирате непроверени информации во јавноста. Но, секако, можевте да се консултирате пред да објавите небулозни податоци, а ние секако ќе Ви излезевме во пресрет со документација, која сега ние ќе ја презентираме, а, секако истата е јавно достапна и на увид на секој заинтересиран.
Кусо предавање на темата за која сте коментирале, а, е далечна за Вас. ФК Вардар во сезоната 2017/2018 оствари историски подвиг со пласманот во ЛЕ. Во таа сезона буџетот на клубот изнесуваше 5.3 милиони евра. Приходите остварени по сите основи вклучувајчи ја и УЕФА изнесуваа 3,6 милиони евра. Разликата која се јавува во тековната 2017 година, но и во сите останати години е надополнета со лични средства од г-дин Самсоненко. Вие ги презентиравте само средствата кои се по основ на приходи, а, никаде не кажувате дека тој клуб има и расходи многу поголеми од влезните средства. Да, точна Ви е констатацијата дека дел од тие средства завршија во РК Вардар како позајмица, но тие средства подоцна се вратени назад и тоа повторно од г-дин Самсоненко, за што постои документција која може да го поткрепи нашето излагање. Средствата кои Вие ги споменувате дека се дадени како позајмица на РК Вардар а како што наведовме предходно истите се вратени во ФК Вардар, помогнаа за освојување на 2 титули во Ракометната Лига на Шампиони, резултат кој можеби Ви пречи на Вас но тој успех преставува огромна радост за цела Македонија.
Лично Вие г-дин Грнчаров за Вашиот престој во клубот имате заработено 25.920.000 денари или 421.470 еур од ФК Вардар т.е. лично од г-дин Самсоненко. Иако според сите спортски работници Вие бевте преплатен. За време на Вашиот престој во клубот бевте капитен со сета одговорност која произлегува од таа функција, но Вие сте и добро познат на целокупната спортска јавност како играч кој постојано правеше раздор, проблеми и нечесни игри во клубот и надвор од него. За жал и по Вашето заминување во спортска пензија, во континуитет продолжувате во ист стил да „роварите“ во клубот кој Ве порасна како фудбалер, и каде ја завршивте Вашата кариера. Единствена разлика е што сега тоа го правите преку вашиот спортски портал и користејќи ги социјалните мрежи …
Жално и срамно !!!
Спортски Поздрав
Администрација на ФК Вардар
-
АТПпред 23 часа
Ѓоковиќ: Не е важно од каде сте и каква боја е вашата кожа, спортот секогаш…
-
АТПпред 24 часа
Ново признание за Србинот: Ѓоковиќ по петти пат е најдобар спортист на светот
-
Шпанијапред 14 часа
Белингам доби специјална награда во Мадрид, но ја изведе и својата хит прослава заедно со легендарниот Болт (Видео)
-
Италијапред 23 часа
Капитенот Мартинез: Многу ми значи оваа титула, сакаме…
-
НБАпред 14 часа
Јокиќ брутален, Мареј го потопи Лејкерс со звукот на сирената (Видео)
-
Италијапред 7 часа
Чалханоглу ги дочека своите моменти на слава и им се одмазди на тифозите на Милан (Фото)
-
Италијапред 23 часа
Дербито донесе тензија и три црвени картони, Интер официјално е нов шампион на Италија (ВИДЕО)
-
Шпанијапред 10 часа
Ѓоковиќ импресиониран од еден играч на Реал: Не сум фудбалски стручњак, но тој има црти на шампион!