Тотенхем ќе бара одложување на натпреварот со Брајтон

Од таборот на Тотенхем ќе поднесат барање до првите луѓе на Премиер лигата за одложување на неделниот натпревар против Брајтон.

Причината за тоа е што дури седум од играчите се позитивни на Ковид-19, а освен нив уште двајца членови на стручниот штаб на Антонио Конте се заразени со вирусот.

„Атлетик“ пишува дека од клубот ќе поднесат официјално барање за одложување на натпреварот со Брајтон кој е закажан за во недела.

Тотенхем пред Брајтон треба да одигра натпревар со Рен во рамките од Конференциската лига и тој натпревар веројатно ќе се одржи затоа што во клубот веќе има 13 фудбалери кои што може да бидат во комбинација, па според правилата на УЕФА ќе мора да излезат на тревникот.

Иако веќе неколку денови се пишува за позитивните играчи во Тотенхем, засега јавноста не е запознаена за кои играчи станува збор.