Оби Микел за играчот на Челси кој разочарува во последно време: Не прелажа со партиите на стартот на сезоната

Челси фати целосно погрешен пат од Божиќ наваму и влезе во резултатска криза која направи тимот да падне на шестото место на табелата, но посебно загрижувачка е формата во која играат неколку сигурни стартери во тимот на Енцо Мареска.

Последните два порази од Брајтон во период од неколку дена само покажаа дека Челси не изгледа воопшто добро, а Џон Оби Микел реши да му се нафрли на еден фудбалер, или поточно на засилувањето кое пристигна од Манчестер Јунајтед.

Џејдон Санчо настапува за „сините“ како позајмен играч од Манчестер Јунајтед, па ако сите беа воодушевени од него на стартот на сеозната, сега полека влегува во ритамот кој направи целосно да пропадне на „Олд Трафорд“.

Санчо забележа само една асистенција и не постигна ниту еден гол на последните 11 натпревари за Челси, а Оби Микел се чувствува измамено и изневерено од некогашниот англиски репрезентативец.

– Џејдон Санчо пристигна во Челси и не измами сите со неколку добри натпрвари. Не прелажа со своите добри партии на стартот, сите си помисливме дека го добивме играчот од Борусија Дортмунд.

– За жал, него повторно го снемува, речиси да го нема на натпреварите на Челси. Навистина не знам што се случува за него, едноставно исчезна на теренот. Ја добива топката, но сега не може да пројде ниту еден противник, не креира шанси за тимот и не помага во нападот, – вели Микел.