Оби Микел открива: Де Брујне и Ето имаа голема тепачка на тренингот

Џон Оби Микел ја имаше својата премиера и го означи за отворен својот подкаст, а прв негов гостин во емисијата беше неговиот поранешен соиграч, Џон Тери.

Двајцата поранешни фудбалери на лондонскиот клуб отворија доста интересни теми во разговорот кој го имаа, но една од нив беше поврзана и за двете ѕвезди кои сега доминираат во два други англиски великани, а кои не добија шанса од Жозе Мурињо на „Стемфорд Бриџ“.

– Салах и Де Брујне немаа многу среќа, бидјеќи се соочија со најбруталната верзија на Мурињо. Тогаш не го интересираше кој си и каков си. Немаше милост за било кого.

– Еднаш го расплака Салах на полувреме, а како што одминува времето, сметам дека тоа сега не би го направил. Мурињо сега е позрел и сега подобро знае како да се однесува со млади фудбалери, го гледаме тоа во Рома, – вели Оби Микел и додава.

– Кевин Де Брујне не беше лесна личност на тренинзите. Бидејќи не играше многу, постојано беше со наведната глава, постојано беше бесен и не беше расположен за шеги. Беше како дете со кое никој не сакаше да игра. Се сеќавам дека еднаш со Ето имаа голема тепачка на тренингот, бидејќи според Самуел, Кевин не се залагал онолку колку што треба, – се потсетува Оби.