Обамејанг за моментот по кој Тухел беше отпуштен од Челси: Имав чувство дека не ужива во работата

Пјер-Емерик Обамејанг прифати да се пресели во Челси најмногу поради фактот што повторно можеше да соработува со Томас Тухел, тренерот со кој претходно имаше одлична комуникација во периодот додека двајцата беа во Борусија Дортмунд.

Но, непосредно по пристигнувањето на напаѓачот од Габон, Челси загуби од Динамо во Лигата на шампионите, а Германецот заработи отказ од клупското раководство.

Во интервју за „Атлетик“, Обамејанг открил дека се чувствувало дека нешто не е во ред во односот на Тухел и новите сопственици, а тоа кулминирало токму по дуелот со Динамо.

– Го паметам тој ден бидејќи за мене Тухел беше непрепознатлив.

– Не беше истиот човек кој го знаев од пред неколку години, бевме блиски и тој беше единствениот кој ме разбираше додека го носев дресот на Борусија.

– Во Челси делуваше како нешто да не е во ред, имав чувство дека не ужива во работата. Загубивме од Динамо и беше лут, но не се случи она што вообичаено го правеше во такви моменти, само дојде во соблекувалната и потоа замина. Си помислив „ова не е Тухел што го познавам, многу чудно“. Следниот ден заработи отказ, – вели Обамејанг.