Обамејанг мета на два големи клуба од Европа кои му нудат примамлива понуда

Веќе извесен период е познато дека Пјер Емерик Обамејанг нема иднина во Арсенал откако беше казнет поради непочитување на клупските правила и оддалечен од првиот тим на „топчиите“.

Микел Артета не сакал ни да чуе да го врати Обамејанг кој своевремено беше и капитен на клубот, па така Габонецот ќе мора да го напушти клубот во потрага по поголема минутажа.

Пред две недели се појави информација дека за него е заинтересиран клубот од Саудиска Арабија, Ал Наср, меѓутоа Обамејанг одбил да ја продолжи кариерата во богатиот клуб.

Како што стојат работите, чекањето се исплатило, па Обамејанг до крајот на преодниот рок ќе добие две доста примамливи понуди.

Имено, Барселона и Јувентус се сериозни во намерата да го ангажираат 32 годишниот фудбаелр на првична позајмица со право на откуп на неговиот договор. За разлика од Ал Наср и двата клуба не се подготвени да ја платат целата плата за Обамејанг, а притоа не се подготвени ни да платат компензација, нешто што саудискиот клуб го понудил.

Сепак, на крајот ќе одлучи самиот играч кој наводно бил подготвен да се договори со европските гиганти.