Обамејанг издвои еден клуб: Тоа беа најдобрите шест месеци во мојата кариера

Пјер Емерик Обамејанг промени многу клубови во краток период, заработувајќи и критики дека не е доволно концентриран на својата кариера и не може да си обезбеди посакуван статус каде и да отиде.

Во своето последно интервју, интернационалецот од Габон сепак истакнал дека многу сакал да остане во Барселона и да го одработи целиот договор, бидејќи најмногу уживал токму во редовите на шпанскиот тим.

Обамејанг беше „замрзнат“ во Арсенал, па премиерлигашот дозволи негов трансфер во Барселона среде сезона, а напаѓачот возврати со 11 постигнати погодоци и одлични настапи во каталонскиот тим.

Сепак, поради финансиските проблеми, Барса реши да го продаде Обамејанг во Челси по крајот на сезоната.

– Мојот престој во Барселона беа најдобрите шест месеци во кариерата.

– Никогаш не сум уживал во тренинзите и во натпреварите како во тој период. Одев на тренинзи дури и кога имав слободни денови, беше неверојатно, – истакнал Обамејанг.