Обамејанг има договор со клубот во кој ќе се пресели од Челси

Маурисио Покетино нема да смета на Пјер-Емерик Обамејанг во новата сезона на Челси, а фудбалерот очигледно веќе го избрал клубот во кој сака да ја продолжи кариерата.

34-годишниот напаѓач се договорил со Олимпик Марсеј и е пред преселба во француското првенство, со што ќе го напушти лондонскиот тим со само 22 настапи зад себе.

Обамејанг не беше вклучен во составот кој отпатува на американска турнеја, што беше уште една потврда дека мора да си бара решение за иднината, а репрезентативецот на Габон по долго време ќе се врати во земјата каде е роден.

Напаѓачот беше доведен од Барселона од Томас Тухел, кој подоцна доби отказ, не беше вклучен во составот за ЛШ од Греем Потер, за на крајот да не успее да се наметне откако доби по некоја шанса од Френк Лампард.

Обамејанг ќе го напушти Челси со само три постигнати погодоци, иако клубот за него плати околу 10 милиони фунти.