Нурмагомедов се огласи на Инстаграм објаснувајќи ја состојбата на својот татко и растревожи многумина

Дагестанскиот УФЦ борец, Хабиб Нурмагомедов за прв пат излезе со свој коментар во јавноста по повод борбата со животот на неговиот татко.

Абдулманап Нурмагомедов е во тешка здравствена состојба откако добил компликации од коронавирусот, а претходно имал и други потешки заболувања на кои вирусот реагирал катастрофално.

– Во мојот случај имам над 20 луѓе кои се болни од овој вирус во моето семејство. Над 20 луѓе лежат во болница, а многу  од нив за жал веќе не се меѓу нас.

– Многу познаници ми умреа, многу родители на мои роднини. Сите минуваме низ тежок период и мора да с еносиме со тоа.

– Многу беше пишувано на интернет за мојот татко. Татко ми, засега, е во болница. Тој е во критична состојба како резултат на вирусот. Го нападна и неговото срце затоа што лани имаше операција на него, а сега имаше уште една. Тој е во многу тешка ситуација, многу тешка, се молиме на Алах да ни го врати, -изјави видно растревожениот Нурмагомедов.