Нуркиќ му пресуди на Далас, Јокиќ и ЛеБрон со трипл-дабл за победи на Денвер и Лејкерс (Видео)

Феникс успеа вторпат да го победи Далас од почетокот на сезоната, а херој за гостите на натпреварот одигран утринава беше Јусуф Нуркиќ.

Центарот на Санс успеа да собере офанзивен скок во последните секунди и да изнуди лична грешка на помалку од секунда до крајот, па со едно уфрлено слободно фрлање ги постави конечните 113:114.

Voici la dernière action du match qui aura donné la victoire aux Suns sur un lancer de Nurkic à 0,8 seconde de la fin du match.

Frustrant. pic.twitter.com/yNn767Vf0Q

— Dallas Mavs France (@DallasMavsFr) November 9, 2024

Нуркиќ го заврши натпреварот со 15 поени, Дурент беше најефикасен со 26, додека на спротивната страна, Дончиќ испорача 30 поени, кои не беа доволни за позитивен резултат.

Никола Јокиќ реализирал нов трипл-дабл учинок со 30 поени, 11 скокови и 14 асистенции, а Денвер без проблеми излезе на крај со Мајами, кој немаше решение ниту за Мареј (28 поени).

Во сличен стил беше и настапот на ЛеБрон Џејмс, кој стигна до трипл-дабл, Дејвис уфрли 31 поен, а Л.А Лејкерс немаше големи проблеми со Филаделфија.

Кливленд и Оклахома Сити забележаа нови сигурни победи за зацврстување на позициите на табелата, додека Бостон мораше да игра продолжение за да стигне до триумф против Орландо.

Шарлот – Индијана 103:83
Детроит – Атланта 122:121
Орландо – Њу Орлеанс 115:88
Бостон – Бруклин 108:104 (п)
Кливленд – Голден Стејт 136:117
Далас – Феникс 113:114
Њујорк – Милвоки 116:94
Мемфис – Вашингтон 128:104
Оклахома – Хјустон 126:107
Денвер – Мајами 136:122
Минесота – Портланд 127:102
Л.А Лејкерс – Филаделфија 116:106
Сакраменто – Л.А Клиперс 98:107