Новогодишната турнеја отворена со победа на Гранеруд во Оберстдорф

По пауза од две години, традиционалната новогодишна турнеја „Четири скокалници“ се одржува пред полни трибини, а првата станица денеска беше комплетирана во Оберстдорф со доста проблеми.

Поради силниот ветер натпреварувањето во неколку наврати беше прекинато, но тоа не го намалува учинокот на Норвежанецот Халвор Егнер Гранеруд кој издоминира на скокалницата во Германија.

Ски-скокачот од Норвешка ги воодушеви 25-те илјади гледачи со скокови од 142,5 и 139 метри, а со собраните 312,4 бодови беше недопирлив за конкуренцијата на отворањето на 71-то издание на празничната турнеја.

Зад Гранеруд денеска се најде полскиот двоец Пјотр Жила и Давид Кубацки, додека минатогодшниот победник на „Четири скокалници“ заврши на 15-то место.

Кобајаши немаше свој ден и заврши далеку од врвот, па поправен испит ќе има на втората станица на Гармиш-Партенкирхен.