Ново ремек-дело во Премиер лигата: Мајсторијата на Барнс ги замолкна „волците“ (Видео)

Вулверхемптон во пет минути го прокоцка се она што го градеше цел меч, бидејќи „волците“ беа жестоко здрмани од Њукасл кој со два прекрасни гола извојува победа на „Молину“.

Домашниот тим имаше водство од првото полувреме со голот на Лемина, Њукасл долго се мачеше да најде дупката во одбраната на „волците“, а во ситуација кога не ја најде, реши да се обиде со удари од дистанца.

Најпрво Шер со силен удар и со помош на противниците постигна фантастичен гол за 1:1, но уште поубава беше мајсторијата на Харви Барнс.

Напаѓачот на „страчките“ направи се сам во дадената ситуација, се ослободи од двајца противнички фудбалери, а потоа испрати неодбранлив шут во аголот од голот.

Бравурата на Барнс пристигна во 80-та минута, а тоа беше претежок удар за било какво враќање на домашниот тим.