Новиот систем на Мерцедес отвори голема дебата: Дали е ова дозволено од страна на ФИА (Видео)

Вториот ден од тестовите на Монтмело донесе едно видео кое стана вирален хит на социјалните мрежи, а истото експресно отвори голема дебата меѓу големите Ф1 фанови поради новата чудна техника на управување која ја има новиот Мерцедес W1.

Во моментите кога беше активираната кок-пит камерата од болидот на Луис Хамилтон можеа да се забележат необични движења со рацете на светскиот шампион, кои пак придонесуваат предните тркала да имаат неочекувано стеснување и проширување при различните маневри на Британецот.

Оваа нова техника на Мерцедес прави воланот на Хамилтон и Ботас да наликува како управувач на авион, а големите Ф1 фанови веднаш почнаа да прашуваат дали иновацијата на „сребрените стрели“ е дозволена од страна на ФИА.

– Ова е нова идеја, имаме нов систем во болидот. Овој систем има свое име и се вика ДАС и со истиот воведуваме двојна димензија на воланот што може да биде корисно во текот на целата година. Но, како ќе го користиме и зошто го правиме тоа, засега ќе го задржиме за нас, – објасни Џејмс Алисон, техничкиот директор на Мерцедес.

Video showing Hamilton's steering wheel moving fore and aft while altering front wheels toe angle pic.twitter.com/bRtK4udamm

— Mario Keszeli (@techF1LES) February 20, 2020