Новинарот кој прв го најави трансферот на Алиоски: Договорот пропадна во последен час!

Педро Алмеида беше новинарот кој прв ја лиферуваше информацијата за преминот на Езџан Алиоски во Ал Ахли, но сега тој одново се јави со вест која открива дека преговорите сепак пропаднале во последен момент.

Како што тврди Алмеида, Алиоски сепак нема да заврши во Саудиска Арабија, откако клубот проценил дека неговите барања за плата се превисоки и за нив, откако истото претходно го објавија од Галатасарај.

– Алиоски ни побара 7,5 милиони евра за три сезони. Плус не е класичен лев бек. Одбив да го ангажираме, -изјави Терим пред дуелот со ПСВ во квалификациите за ЛШ.

Неколку часа по оваа изјава, пристигна и новата ексклузива на новинарот Алмеида, кој добил допис од Ал Ахли дека операцијата за двегодишен договор на крајот нема да се реализира.

– Договорот меѓу Алиоски и Ал Ахли е стопиран поради несогласувања околу предложената плата. Македонскиот фудбалер сакал 2,5 милиони евра по сезона за да потпише за клубот, – вели Алмеида.

The deal is stopped between #Alioski and #AlAhli, disagreements on the proposed salary, the Macedonian player now wants 2.5M€ per season to sign for the club. 🟢🇲🇰 #Transfers https://t.co/uf7cYpizmr

— Pedro Almeida (@pedrogva6) July 27, 2021