Новинар му постави непријатно прашање на Тен Хаг по лекцијата од Ливерпул, конверзацијата стана топ тема во Англија (Видео)

Ерик Тен Хаг им порача на новинарите дека не е Хари Потер и дека нема магично стапче за веднаш да ги доведе во ред и да ги воигра новите летни засилувања, но неговите објаснувања по поразот од Ливерпул на домашен терен не биле баш добро прифатени од сите новинари во прес-центарот.

Јан Ледиман од „Дејли мејл““ се дрзнал да го постави прашањето кое сите обично го избегнуваат од почит кон менаџерот, но претставникот на познатиот медиум овојпат решил да влезе во директна конверзација со Тен Хаг, посочувајќи му дека можеби проблемот треба да го бара кај себе.

Новинарот го запрашал Тен Хаг дали можеби проблемите на Јунајтед се кријат кај него, а не кај играчите, по што морал и да му образложува колку неговиот тим игра катастрофално на моменти и како му дозволува на противникот да креира безброј шанси на „Олд Трафорд“.

Нормално, Тен Хаг не се согласил со ваквиот став на новинарот и изречно ја демантирал неговата теза, нагласувајќи дека Јунајтед немал да освојува трофеи под негово водство доколку станувало збор за такво нешто.

За крај, Холанѓанецот нагласил дека Јунајтед е клубот кој освоил најмногу трофеи после Манчестер Сити изминативе две сезони, додавајќи дека жали за ставот кој го има изградено новинарот на „Дејли мејл“.

Things got frosty between Erik ten Hag and a reporter following the 3-0 defeat to Liverpool at Old Trafford 🥶#BBCFootball pic.twitter.com/nFElLUk0u3

— BBC Sport (@BBCSport) September 2, 2024